Reglar for inntak av elevar på Stord Kristne Skule

Vedtatt av styret 14.10.2020/30.11.2021/11.1.2022

Vi deler reglane for inntak av elevar i tre kategoriar:

1. Fortrinn
2. Alle elevar er velkomne til SKS, og dei vert tildelt skuleplass så sant skulen har ledige elevplassar.
3. Er det fleire søknader enn elevplassar, vert desse gruppene prioritert:
   1. Først born av tilsette ved SKS
   2. Deretter born som alt har søsken som går på SKS
   3. Deretter vil så mange som mogeleg av alle dei andre få plass, etter «først til mølla»-prinsippet

• Opptak for skuleåret 2022-2023
• Søknadane vert handsama i den rekkjefølge dei kjem inn. Dess tidlegare ein søkjer, jo sikrare er ein på å få skuleplass.
• Hovudopptaket vert gjort 24.4.2022:
  • Dei som måtte ha fortrinn, vert først tildelt plass.
  • Dei andre søkjarane får så plass etter datoen dei søkte.
• Det er fullt mogeleg å søkje om plass etter hovudopptaket, og då vert elevane tildelt skuleplass i den rekkjefølgje søknadane kjem inn.
  Det vert ikkje tatt omsyn til fortrinnsrett etter 24.4.2022 for skuleåret 2022/23.

• Skulepengar
• Fordi staten betaler 85% av kostnaden ved å ha elevar på ein kristen friskule, har SKS løyve til å krevje inn opp til 15% av elevkostnaden.
• Styret for SKS har sett skulepengane til 970,- kroner i måneden for 10 månader av året. (Dette utgjer omlag 5% av elevkostnaden.) August og påfølgjande  juni tel som halve månader, og utgjer ei betaling.
  • For elevar som startar i august, vert første innbetaling i juni før eleven startar. Deretter betalar ein kvar månad frå september til og med mai.
  • For elevar som startar i løpet av skuleåret, betaler ein 485,- kroner ved mottatt skuleplass og deretter kvar månad frå eleven byrjar til og med mai.

• Søskenmoderasjon
• Styret for SKS har bestemt følgjande om søskenmoderasjon
  • 1.barn – 100% betaling (970,- i månaden)
  • 2.barn – 75% betaling (727,50 i månaden)
  • 3. og fleire barn – 50% for kvar elev (485,- i månaden)