Diktet «Eg vil drøyma om skulen min» vart skrive av den tidlegare skulemannen Gunvald Skytje (1946-). Den aldrande diktaren vart særs oppglødd då Stord kristne skule såg dagsens ljos i 2021. Åndsverket er skrive pseudonymt.
«Eg vil drøyma om skulen min», av Gunvald Skytje
«No må du leggja deg»,
sa mora til son sin då dagen vart natt.
Og brått sov guten sin djupaste svevn
og drøymde om skulen i kjømda.
Han såg dei kom springande, jente og gut,
mått’ ikkje missa andakt og song!
Fjagg kunne salmen utanåt, han,
i dag var det hans tur å syngja!
Dei sat så stilt som ugler på grein,
medan tårer i ljoshærde Brita spratt
og Tallak frå Almås tok kammen sin fatt
og stillsleg drog gjennom nyvaska kruller.
Også Vesla frå Grov hadde hovudet fullt,
i dag ville ho rekna på tavla!
«Sju gonger sju, ja, det vert førtini»,
skreiv Vesla til varmt skussmål frå lærar Linda.
Sottlaug frå Bjelland hadde pugga eit dikt,
mon tru det var sjølvaste Bjørnson!
Ho førde det fram, så hugheilt og vent
at dvergmålet kyndest blant vegger og pultar!
Frå skulen i draumen ville ingen gå heim,
ei hell’ etter songen til Jone frå Røyksund!
Men så lydde mora i draumen at «Fjagg, du må vakna»!
Og vonfullt sprang Fjagg til skulen han sakna.