Me må truleg venta til neste vinter før snøen legg seg slik han gjorde tidlegare denne månaden, men heldigvis fekk me knipsa nokre av glimta frå dagane då vinteridyllen var på sitt beste.
Snipp, snapp, snute, så var dét vintereventyret ute.
Men: Før me på SKS ynskjer alle ein signerik og fredfull vinterferie, ynskjer me å dela nokre av dei fine augneblinkane frå veka som no går mot ein ende.
Torsdag den 22. februar fekk me vitjing av Knut Jørgen Røed Ødegaard, ein velkjend astronom og føredragshaldar. Mannen synte elevane bilete frå det vidstrekte universet og lét dei kjenna på ein meteoritt som hadde reist nokså langt.
I lenginga av den storslegne astronom-vitjinga fekk elevane byggja romskip av lego. Både ungdomane og borna samarbeidde godt, og bileta under vitnar om elevar i god «flyt».
Med dét ynskjer dei tilsette ved SKS både elevar og føresette ein riktig god vinterferie. Me ser fram til fleire gode stunder ved skulen utover våren.