Ein ny dag, eit nytt blad i kalenderen – 14. august er her!
For oss vaksne går det nesten på automatikk å lese bokstavar og tal, og å forstå kva dei fortel oss. Me kan setje informasjonen inn i større samanhengar utan å tenkje noko særleg over det.
Men for mange av borna på Stord Kristne Skule er dette starten på eit heilt nytt kapittel. For dei som møter til sin aller første skuledag, ventar eit spanande eventyr der dei skal lære å lese, skrive og oppdage verda gjennom bokstaver, tal, ord og setningar.
Denne dagen kjem til å setje spor – ein dag dei vil hugse i lang, lang tid.
Rektor Jone Røksund ønskte alle elevane hjarteleg velkomne til eit nytt skuleår, og særleg dei spente førsteklassingane fekk litt ekstra merksemd.
Me gler oss saman med dei, og ynskjer at dei ikkje berre lærer bokstavar og ord, men også å sjå samanhengar, stille spørsmål og la nysgjerrigheita føre dei vidare.
Velkomen til skuleåret – og til starten på noko stort!